Poetry Explorer- Classic Contemporary Poetry, MY NANNIE'S AWA (1), by ROBERT BURNS


Poetry Explorer

Classic and Contemporary Poetry

MY NANNIE'S AWA (1), by                 Poet Analysis     Poet's Biography
First Line: Now in her green mantle blythe nature arrays
Last Line: Alane can delight me -- now nanie's awa.
Subject(s): Absence; Separation; Isolation


Now in her green mantle blythe Nature arrays,
And listens the lambkins that bleat o'er her braes;
While birds warble welcomes in ilka green shaw,
But to me it's delightless -- my Nanie's awa.

The snawdrap and primrose our woodlands adorn,
And violetes bathe in the weet o' the morn;
They pain my sad bosom, sae sweetly they blaw,
They mind me o' Nanie -- and Nanie's awa.

Thou lav'rock that springs frae the dews of the lawn,
The shepherd to warn o' the grey-breaking dawn,
And thou mellow mavis that hails the night-fa',
Give over for pity -- my Nanie's awa.

Come Autumn, sae pensive, in yellow and grey,
And soothe me wi' tidings o' Nature's decay:
The dark, dreary Winter, and wild-driving snaw
Alane can delight me -- now Nanie's awa.





Discover our Poem Explanations and Poet Analyses!


Other Poems of Interest...
Home: PoetryExplorer.net