Poetry Explorer- Classic Contemporary Poetry, THE RANTIN DOG THE DADDIE O'T, by ROBERT BURNS



Poetry Explorer

Classic and Contemporary Poetry

THE RANTIN DOG THE DADDIE O'T, by                 Poet Analysis     Poet's Biography
First Line: O wha my babie-clouts will buy?
Last Line: The rantin' dog, the daddie o't.
Subject(s): Sex; Fathers


O wha my babie-clouts will buy?
O wha will tent me when I cry?
Wha will kiss me where I lie?
The rantin' dog, the daddie o't.

O wha will own he did the faut?
O wha will buy the groanin maut?
O wha will tell me how to ca't?
The rantin' dog, the daddie o't.

When I mount the creepie-chair,
Wha will sit beside me there?
Gie me Rob, I'll seek nae mair,
The rantin' dog, the daddie o't.

Wha will crack to me my lane?
Wha will mak me fidgin' fain?
Wha will kiss me o'er again?
The rantin' dog, the daddie o't.





Discover our Poem Explanations and Poet Analyses!


Other Poems of Interest...



Home: PoetryExplorer.net