Poetry Explorer- Classic Contemporary Poetry, A YOUNG LASS'S SOLILOQUY, by REBEKAH CARMICHAEL


Poetry Explorer

Classic and Contemporary Poetry

A YOUNG LASS'S SOLILOQUY, by                     Poet's Biography
First Line: An' so it seems it is reported
Last Line: I'll wi' them till her.
Alternate Author Name(s): Hay, Mrs.
Subject(s): Courtship


AN' so it seems it is reported
That I hae ne'er been woo'd nor courted,
But de'il speed lies;
The bonny lads came flocking round me,
Enough in conscience to confound me,
Like hives of bees.

But I was cald as winter snaw,
An' nae return would ever shaw
For a' their favours;
An' now ye see ye hae been wrang,
Nae mair o' me ye'll make a sang,
But ha'd ye'r clavers.

Yet out o' spite I'll tell the rest,
An' which o' them I liked best,
Wha was sae clever
To melt this icy breast o' mine,
To take my heart without design,
An' keep it ever.

It was a lad wi' yellow hair,
Wi' rosy cheeks, an' forehead fair,
An' light blue een;
The like o' him on hill or dale,
In borough's town, or country vale,
Was never seen.

O vow but he was proud an' saucy,
An' better loo'd anither lassy,
Wha had some siller;
But I hae five an' five good nails,
An', ere my strength or courage fails,
I'll wi' them till her.





Discover our Poem Explanations and Poet Analyses!


Other Poems of Interest...
Home: PoetryExplorer.net