Poetry Explorer- Classic Contemporary Poetry, A BALADE OF COMPLAINT, by GEOFFREY CHAUCER



Poetry Explorer

Classic and Contemporary Poetry

A BALADE OF COMPLAINT, by                 Poet Analysis     Poet's Biography
First Line: Compleyne ne koude, ne might myn herte never
Last Line: Sith I yow serve, and so wil yeer by yere.


COMPLEYNE ne koude, ne might myn herte never
My peynes halve, ne what torment I have,
Though that I sholde in your presence ben ever,
Myn hertes lady, as wisly he me save
That bountee made, and beautee list to grave
In your persone, and bad hem bothe infere
Ever t'awayte, and ay be wher ye were.

As wisly he gye alle my joyes here
As I am youres, and to yow sad and trewe,
And ye, my lyf and cause of my gode chere,
And deeth also, whan ye my peynes newe,
My worldes joye, whom I wol serve and sewe,
Myn heven hool, and al my suffisaunce,
Whom for to serve is set al my plesaunce.

Beseching yow in my most humble wyse
T'accepte in worth this litel pore dyte,
And for my trouthe my servyce not despyse,
Myn observaunce eke have not in despyte,
Ne yit to longe to suffren in this plyte;
I yow beseche, myn hertes lady, here,
Sith I yow serve, and so wil yeer by yere.





Discover our Poem Explanations and Poet Analyses!


Other Poems of Interest...



Home: PoetryExplorer.net