Poetry Explorer- Classic Contemporary Poetry, THE MILLER, by JOHN CLERK



Poetry Explorer

Classic and Contemporary Poetry

Rhyming Dictionary Search
THE MILLER, by            
First Line: O merry may the maid be
Last Line: When a miller lives so happy?
Alternate Author Name(s): Clerk Of Penicuik, John
Subject(s): Marriage; Mills & Millers; Wealth; Weddings; Husbands; Wives; Riches; Fortunes


O MERRY may the maid be
That marries wi' the miller,
For, foul day and fair day,
He's aye bringing till her, --
Has aye a penny in his purse
For dinner or for supper;
And, gin she please, a good fat cheese
And lumps of yellow butter.

When Jamie first did woo me
I speir'd what was his calling;
'Fair maid,' says he, 'O come and see,
Ye're welcome to my dwalling,'
Though I was shy, yet could I spy
The truth o' what he told me,
And that his house was warm and couth,
And room in it to hold me.

Behind the door a bag o' meal,
And in the kist was plenty
O' guid hard cakes his mither bakes,
And bannocks werena scanty.
A guid fat sow, a sleeky cow
Was standing in the byre,
Whilst lazy puss with mealy mouse
Was playing at the fire.

Guid signs are these, my mither says,
And bids me tak' the miller;
For, foul day and fair day,
He's aye bringing till her:
For meal and maut she doesna want,
Nor anything that's dainty;
And now and then a keckling hen,
To lay her eggs in plenty.

In winter, when the wind and rain
Blaws o'er the house and byre,
He sits beside a clean hearth-stane,
Before a rousing fire.
With nut-brown ale he tells his tale,
Which rows him o'er fu' nappy: --
Wha'd be a king -- a petty thing,
When a miller lives so happy?





Other Poems of Interest...



Home: PoetryExplorer.net