Poetry Explorer- Classic Contemporary Poetry, I WEAR A JEWEL, by JAMES P. CRAWFORD


Poetry Explorer

Classic and Contemporary Poetry

I WEAR A JEWEL, by                    
First Line: I wear a jewel near my heart, for gold I wadna sell ye
Last Line: For many a love is bann'd on earth that's no a sin in heaven.
Subject(s): Jewelry & Jewelers; Love; Rings; Bracelets; Necklaces


I WEAR a jewel near my heart, for gold I wadna sell ye,
A peerless gem -- a lassie's love -- it's worth I couldna tell ye.
Her beamin' e'e is heaven to me, her cherry mou', the pree o't --
In ae sweet kiss there's mair o' bliss than a' that gold could gie o't.

The envious stan' an' lift their han', an' glow'r that I should own it;
An' cantrip carls sairly blame an' swear that I hae stown it.
The gossips mak' an unco crack, but we can lo'e in spite o't,
An' if they lea' her love to me I'll tak' wi' that the wyte o't.

My heart it beats to hear her speak, wi' joy in every stoun o't,
An' oh! whene'er I hear her name, I love the very soun o't.
Tho' weel I ken her loving heart is a' that she can gie me.
Tho' freen may frown, an' fremet blame, I ken she'll never lea' me.

It maybe costs a tear or twa when nae ane's near to ken o't,
When thinkin' o' oor lang-tried love I canna see the en' o't;
An' maybe when I waukrife lie, when nicht an' mornin's meetin' --
That eerie hour o' mystic power -- my heart is sairly greetin'.

Oh, that the warl' should ever ban twa hearts that lo'eilkither, [gither!
That love should burn, an' hearts should yearn, an' never come the-
But love that grew, we kenna hoo, will surely be forgiven;
For many a love is bann'd on earth that's no a sin in heaven.





Discover our Poem Explanations and Poet Analyses!


Other Poems of Interest...
Home: PoetryExplorer.net