Poetry Explorer- Classic Contemporary Poetry, A GLANCE AYONT THE GRAVE, by ANDREW CRAWFURD


Poetry Explorer

Classic and Contemporary Poetry

A GLANCE AYONT THE GRAVE, by                    
First Line: My boyhood was a pleasant dreim
Last Line: An' airts us to our beild in hevin'.
Subject(s): Death; Memory; Dead, The


MY boyhood was a pleasant dreim,
And noo I wake to prove it sae;
My youdith bleez't wi' hope's fair gleim,
My manheid keps the thud o' wae.

The sunnie knowes that aince were dear,
I taigle on, aye fain to view;
The spunk o' life that lowe't sae clear,
Is crynit to an aizle noo.

Is life a dulesum glamour a'?
The wearie wraith o' daffin' past?
And are we bound by feydoom's law
To lair in mirk wanhope at last?

Na! oor fate speils the hin'most breth,
And skinkles like the star o' even',
And lichts the eerie glen o' deth,
An' airts us to our beild in Hevin'.





Discover our Poem Explanations and Poet Analyses!


Other Poems of Interest...
Home: PoetryExplorer.net