Poetry Explorer- Classic Contemporary Poetry, THE POWER O' CONSCIENCE, by ANDREW CRAWFURD


Poetry Explorer

Classic and Contemporary Poetry

THE POWER O' CONSCIENCE, by                    
First Line: Aye we may busk wi' rosie wreath
Last Line: An' gar us ruefu' weep.
Subject(s): Conscience


AYE! we may busk wi' rosie wreath
The bitter cup o' care;
An' we may gar the drink aneath
To skinkle bricht an' fair.

An' we may busk the face wi' smiles
To hide the woundit heart;
An' fleech on mirth wi' flatterin' wiles
To pu' awa' the dart.

An' we may jilt the suithfast frien'
That snibs us when we sin,
And ilka hour in daffin' spen'
To droon the voice within.

But yet the flow'rs -- wi a' their pride
The drink they canna sweeten;
An' yet the smirks -- they canna hide
The heart wi' canker eaten.

And conscience, tho' we've held her lang
Hush't in a doverin' sleep,
Will rise belyve, refresh'd an' strang,
An' gar us ruefu' weep.





Discover our Poem Explanations and Poet Analyses!


Other Poems of Interest...
Home: PoetryExplorer.net