Classic and Contemporary Poetry
ON SEEING A BUTTERFLY IN THE STREET, by ROBERT FERGUSSON Poet Analysis Poet's Biography First Line: Daft gowk, in macaroni dress, / are ye come here to shew your face Last Line: That dip their spoons in ither's kail. Alternate Author Name(s): Ferguson, Robert Subject(s): Courts & Courtiers; Fools; Royal Court Life; Royalty; Kings; Queens; Idiots | ||||||||
Daft gowk, in macaroni dress, Are ye come here to shew your face, Bowden wi pride o' simmer gloss, To cast a dash at Reikie's cross; And glowr at mony twa-legg'd creature, Flees braw by art, tho' worms by nature? Like country laird in city cleeding, Ye're come to town to lear good breeding; To bring ilk darling toast and fashion In vogue amang the flee creation, That they, like buskit belles and beaus, May crook their mou fu sour at those Whase weird is still to creep, alas! Unnotic'd 'mang the humble grass; While you, wi wings new buskit trim, Can far frae yird and reptiles skim; Newfangle grown wi new-got form, You soar aboon your mither worm. Kind Nature lent but for a day Her wings to make ye sprush and gay; In her habuliments a while Ye may your former sel beguile, And ding awa the vexing thought Of hourly dwyning into nought, By beenging to your foppish brithers, Black corbies dress'd in peacocks' feathers; Like thee, they dander here an' there, Whan simmer's blinks are warm an' fair, An' loo to snuff the healthy balm Whan ev'nin' spreads her wing sae calm; But whan she girns an' glowrs sae dour Frae Borean houff in angry show'r, Like thee they scoug frae street or field, An' hap them in a lyther bield; For they war never made to dree The adverse gloom o' Fortune's ee, Nor ever pried life's pining woes, Nor pu'd the prickles wi the rose. Poor butterfly! thy case I mourn; To green kail-yeard and fruits return: How could you troke the mavis' note For "penny pies all piping hot"? Can lintie's music be compar'd Wi gruntles frae the City Guard? Or can our flow'rs at ten-hours' bell The gowan or the spink excel? Now should our sclates wi hailstanes ring, What cabbage-fald wad screen your wing? Say, fluttering fairy! wer't thy hap To light beneath braw Nany's cap, Wad she, proud butterfly of May! In pity lat you skaithless stay? The furies glancing frae her een Wad rug your wings o' siller sheen, That, wae for thee! far, far outvy Her Paris artist's finest dye; Then a' your bonny spraings wad fall, An' you a worm be left to crawl. To sic mishanter rins the laird Wha quats his ha-house an' kail-yeard, Grows politician, scours to court, Whare he's the laughing-stock and sport Of Ministers, wha jeer an' jibe, And heeze his hopes wi thought o' bribe, Till in the end they flae him bare, Leave him to poortith, and to care. Their fleetching words owr late he sees, He trudges hame, repines and dees. Sic be their fa wha dirk thereben In blackest business no their ain; And may they scad their lips fu leal, That dip their spoons in ither's kail. | Discover our Poem Explanations and Poet Analyses!Other Poems of Interest...THE VILLAGE IDIOT by EDWARD HIRSCH TWO SONGS OF A FOOL: 1 by WILLIAM BUTLER YEATS TWO SONGS OF A FOOL: 2 by WILLIAM BUTLER YEATS CRAZY JANE TALKS WITH THE BISHOP by WILLIAM BUTLER YEATS THE FOOL'S ADVENTURE by LASCELLES ABERCROMBIE THE CASE OF ALBERT IRVING WILLIAMSON by FRANKLIN PIERCE ADAMS BRAID CLAITH by ROBERT FERGUSSON THE DAFT DAYS by ROBERT FERGUSSON A DRINK ECLOGUE: LANDLADY, BRANDY AND WHISKY by ROBERT FERGUSSON |
|