Classic and Contemporary Poetry
OUR LOCAL SCENERY, by JANET HAMILTON Poet's Biography First Line: Smoorin' wi' reek an' blackened wi' soot Last Line: Whaur drinkin' an' swearin' nae mair wad molest. Alternate Author Name(s): Hamilton, Janet Thompson Subject(s): Alcoholism & Alcoholics; Drinks & Drinking; Drunkards; Alcohol Abuse; Wine | ||||||||
SMOORIN' wi' reek an' blackened wi' soot, Lowin' like Etna an' Hecla to boot, Ought o' our malleables want ye to learn? There's chappin' an' clippin' an' sawin' o' airn; Burnin' an' sotterin', reengin' an' knockin'; Scores o' puir mortals roastin' and chokin'. Gizzen'd an' dry ilka thrapple and mouth, Like cracks in the yird in a het simmer drouth; They're prayin', puir chiels, for what do you think? It's no daily bread, it's drink, "Gi'e us drink!" "Callan," quo' I, "ye maun rin like a hatter, Bring up twa pails fu' o' clear caller water; Be aff, noo, ye imp! come back at a canter, Keep oot o' the store, or I'll fell ye instanter!" Wae on the store an' the publican's bar, It's no a haet bettersometimes it's waur; Men, when they're het, hoo they sweat an' they swear, Coup up the whisky and toom down the beer. While droonin' their brains an' toomin' their purses The verra air rings wi' oaths an' wi' curses. It's no juist a pay or an orra bit fuddle Aft in a day they guzzle an' muddle. The puir wifie says there's little comes till her It's the drink, it's the drink that licks up the siller. Licks up the siller! wha is't that can count, Reckon an' add up the fearfu' amount, Wasted on drink at ilk airn-makin' station Drink, ever drink, the curse o' our nation? An' oh, siccan Sabbaths! oh, siccan weans! Rantin' an' playin' an castin' o' stanes. Hearken, thae toddlin' bit things, hoo they swear; Had I wings like a doo I wadna be here I wad flee far awa' an' seek oot a rest Whaur drinkin' an' swearin' nae mair wad molest. | Discover our Poem Explanations and Poet Analyses!Other Poems of Interest...A CUP OF TREMBLINGS by JOHN HOLLANDER VINTAGE ABSENCE by JOHN HOLLANDER SENT WITH A BOTTLE OF BURGUNDY FOR A BIRTHDAY by JOHN HOLLANDER TO A CIVIL SERVANT by EDMUND JOHN ARMSTRONG WINE by FRIEDRICH MARTIN VON BODENSTEDT THE GOOD FELLOW by ALEXANDER BROME WHEN A WOMAN LOVES A MAN by DAVID LEHMAN A BALLAD FOUNDED ON A REAL INCIDENT WHICH OCCURED IN HIGH LIFE by JANET HAMILTON |
|