Classic and Contemporary Poetry
THE ANNUNCIATION, by ROBERT HENRYSON Poet Analysis Poet's Biography First Line: Forcy as deith is likand lufe Last Line: Is kyng, and thow thair quene is. Alternate Author Name(s): Henderson, Robert+(1) | ||||||||
FORCY as deith Is likand lufe, Throuch quhome al bittir suet is, No thing Is hard, as writ can pruf, Till him in lufe that letis; Luf us fra barret betis; Quhen fra the hevinly sete abufe, In message gabriell couth muf, And with myld mary metis, And said, 'god wele the gretis; In the he will tak Rest and Rufe, but hurt of syne, or yit Reprufe: In him sett thi decretis.' This message mervale gert that myld, And silence held but soundis, As weill aferit, a maid Infild: the Angell It expoundis, how that hir Wame but woundis Consave It suld, fra syne exild. And quhen this carpin wes compilit Brichtnes fra bufe aboundis: thane fell that gay to groundis, of goddis grace na thing begild, wox in hir chaumer chaist with child, with crist our kyng that cround is. Thir tithingis tauld, the messinger Till hevin agane he glidis: That princes pure, withoutyn peir, Full plesandly applidis, And blith with barne abidis. O worthy wirschip singuler, To be moder and madyn meir, As cristin faith confidis; that borne was of hir sidis, our maker goddis sone so deir, quhilk erd, wattir, & hevinnis cler, throw grace and virtu gidis. The miraclis ar mekle & meit, fra luffis Ryver Rynnis; The low of luf haldand the hete unbrynt full blithlie birnis; quhen gabriell beginnis With mouth that gudely may to grete, The wand of aarone, dry but wete, To burioun nocht blynnis; The flesch all donk within Is, upone the erd na drop couth fleit; Sa was that may maid moder suete, And sakeless of all synnis. Hir mervalus haill madinhede god in hir bosum bracis, And hir divinite fra dreid Hir kepit in all casis. The hie god of his gracis Him self dispisit us to speid, and dowtit nocht to dee one deid: He panit for our peacis, And with his blude us bacis; Bot quhen he Ras up, as we Rede, the cherite of his godhede Was plane in every placis. O lady lele and lusumest, Thy face moist fair & schene Is! O blosum blithe and bowsumest, Fra carnale cryme that clene Is! This prayer fra my splene Is, That all my werkis wikkitest Thow put away, and mak me chaist Fra termigant that teyn Is, And fra his cluke that kene Is; And syne till hevin my saule thou haist, Quhar thi makar of michtis mast Is kyng, and thow thair quene Is. | Discover our Poem Explanations and Poet Analyses!Other Poems of Interest...AGANIS HAISTY CREDENCE OF TITLARIS by ROBERT HENRYSON ANE PRAYER FOR THE PEST by ROBERT HENRYSON ORPHEUS AND EURYDICE by ROBERT HENRYSON RESSONING BETUIX DETH AND MAN by ROBERT HENRYSON ROBIN [ROBENE OR ROBYN] AND MAKYNE [MAKIN] by ROBERT HENRYSON SUM PRACTYSIS OF MEDECYNE by ROBERT HENRYSON THE ABBEY [OR ABBAY] WALK by ROBERT HENRYSON THE BLUDY SERK by ROBERT HENRYSON THE GARMENT [OR GARMOND] OF GOOD [OR GUD, OR FAIR] LADIES by ROBERT HENRYSON THE PRAISE OF AGE by ROBERT HENRYSON |
|