Poetry Explorer- Classic Contemporary Poetry, ANE SANG OF THE BIRTH OF CHRIST, by MARTIN LUTHER


Poetry Explorer

Classic and Contemporary Poetry

ANE SANG OF THE BIRTH OF CHRIST, by                     Poet's Biography
First Line: My saull and lyfe, stand up and see
Last Line: And sing that rycht balulalow.
Subject(s): Christmas; Nativity, The


My saull and lyfe, stand up and see
Wha lyis in ane cribbe of tre:
What babe is that, sa gude and fair?
It is Christ, Goddis sone and air.
Welcome now, gracious God of mycht,
To sinnaris vyle, pure and unrycht.
Thow come to saif us from distres,
How can we thank thy gentilnes!
O God that maid all creature,
How art thow now becumit sa pure,
That on the hay and stray will ly,
Amang the assis, oxin and ky?
And war the warld ten tymes sa wyde,
Cled ouer with gold, and stanis of pryde,
Unworthie it war yet to thee,
Under thy feit ane stule to be.
The sylk and sandell thee to eis,
Ar hay, and sempill sweilling clais,
Wharin thow gloris, greitest King,
As thow in hevin war in thy ring.
Thow tuke sic panis temporal,
To mak me ryche perpetuall.
For all this warldis welth and gude,
Can na thing ryche thy celsitude.
O my deir hart, yung Jesus sweit,
Prepair thy creddil in my spreit,
And I sall rock thee in my hart,
And never mair fra thee depart.
But I sall praise thee ever moir,
With sangis sweit unto thy gloir:
The kneis of my hart sall I bow,
And sing that rycht Balulalow.






Discover our Poem Explanations and Poet Analyses!


Other Poems of Interest...
Home: PoetryExplorer.net