Poetry Explorer- Classic Contemporary Poetry, JOHNNY'S GOT A BAWBEE, by WILLIAM MCQUEEN (1841-)


Poetry Explorer

Classic and Contemporary Poetry

JOHNNY'S GOT A BAWBEE, by                    
First Line: Johnny's got a bawbee - how will he ware't?
Last Line: We maun send for something owre the saut sea.
Subject(s): Babies; Gifts & Giving; Infants


JOHNNY'S got a bawbee -- how will he ware't?
Will he buy a pownie, or a muckle cairt?
Hey! for the waring o' the big bawbee,
We maun send for something owre the saut sea.

Buy a whup for horsey, or a roon drum;
Buy a French peerie that can dance and hum.
Hey! for the waring o' the big bawbee,
We maun send for something owre the saut sea.

Buy a tin whistle, or a cat and dug;
Something that can skirl in a body's lug.
Hey! for the waring o' the big bawbee,
We maun send for something owre the saut sea.

Buy a wee brither frae a kail stock,
Brocht by the doctor in a black pock.
Hey! for the waring o' the big bawbee,
We maun send for something owre the saut sea.

Ne'er mind what ye buy, only buy it sune,
Gin it be but something that'll mak' a din.
Hey! for the waring o' the big bawbee,
We maun send for something owre the saut sea.





Discover our Poem Explanations and Poet Analyses!


Other Poems of Interest...
Home: PoetryExplorer.net