Poetry Explorer- Classic Contemporary Poetry, WHA'LL BE KING BUT CHARLIE?, by CAROLINA OLIPHANT NAIRNE


Poetry Explorer

Classic and Contemporary Poetry

WHA'LL BE KING BUT CHARLIE?, by             Poem Explanation         Poet's Biography
First Line: The news frae moidart cam' yestreen
Last Line: For wha'll be king but charlie?
Alternate Author Name(s): Lady Nairne; Oliphant, Carolina; Nairne, Baroness
Subject(s): Scotland - Relations With England


THE news frae Moidart cam' yestreen,
Will soon gar mony ferlie;
For ships o' war hae just come in,
And landit Royal Charlie.

Come thro' the heather, around him gather,
Ye're a' the welcomer early;
Around him cling wi' a' your kin;
For wha'll be king but Charlie?
Come thro' the heather, around him gather,
Come Ronald, come Donald, come a' thegither
And crown your rightfu', lawfu' king!
For wha'll be king but Charlie?

The Hieland clans, wi' sword in hand,
Frae John o' Groats to Airlie,
Hae to a man declared to stand
Or fa' wi' Royal Charlie.

The Lowlands a', baith great and sma',
Wi' mony a lord and laird, hae
Declar'd for Scotia's king an' law,
An' speir ye wha but Charlie.

There's ne'er a lass in a' the lan',
But vows baith late and early,
She'll ne'er to man gie heart or han',
Wha wadna fecht for Charlie.

Then here's a health to Charlie's cause,
And be't complete an' early;
His very name our heart's blood warms;
To arms for Royal Charlie!

Come thro' the heather, around him gather,
Ye're a' the welcomer early;
Around him cling wi' a' your kin;
For wha'll be king but Charlie?
Come thro' the heather, around him gather,
Come Ronald, come Donald, come a' thegither,
And crown your rightfu', lawfu' king!
For wha'll be king but Charlie?





Discover our Poem Explanations and Poet Analyses!


Other Poems of Interest...
Home: PoetryExplorer.net