Classic and Contemporary Poetry
THE WEE LASSIE'S FIRST LUVE, by GEORGE FRANCIS SAVAGE-ARMSTRONG Poet's Biography First Line: A cannae hear his name an' hide Last Line: A think a jist cud dee. | ||||||||
A cannae hear his name an' hide My thought wi' ony art; A cannae see him come, an' calm The flitterin' uv my heart; It's pain tae meet him when A walk, Or meet him nae ava; A wish him aye to come tae me, A wish him aye awa'. A dinnae ken what's wrang wi' me; A'm vixed, A kennae why; A cannae talk, A cannae wark; My min's a' ganged agley; A say sich foolish thin's at whiles My face is scorch'd wi' pain . . . O, let them lave me tae mysel'! A jist wud be alane. A'm nae sae tall as Elsie Barnes, A hae nae een like May's, Yit aft he turns frae May tae me, An' ne'er wi' Elsie strays. A cannae thole tae see him laugh Wi' Grace or Rose or Jean, An' yit he's standin' nigh my side Mair aft than ony ane. He's aye sae coorteous, kin' an' free Wi' mon an' lass an' chiel', Mayhap he cares nae mair fur me Than jist tae wish me weel . . . But ah, the kin'ness uv his voice An' ah, his dark blue ee' An' ah, his face an' coortly grace . . . A think A jist cud dee. | Discover our Poem Explanations and Poet Analyses!Other Poems of Interest...GLENS OF WICKLOW by GEORGE FRANCIS SAVAGE-ARMSTRONG HELEN'S TOWER by GEORGE FRANCIS SAVAGE-ARMSTRONG HOME-LONGINGS: GWEEDORE, COUNTY DONEGAL by GEORGE FRANCIS SAVAGE-ARMSTRONG LUGNAQUILLIA by GEORGE FRANCIS SAVAGE-ARMSTRONG MY GUIDE by GEORGE FRANCIS SAVAGE-ARMSTRONG ONE IN THE INFINITE by GEORGE FRANCIS SAVAGE-ARMSTRONG SILENCE by GEORGE FRANCIS SAVAGE-ARMSTRONG SUMMER RHYME by GEORGE FRANCIS SAVAGE-ARMSTRONG THE MYSTERY by GEORGE FRANCIS SAVAGE-ARMSTRONG THE SHAWLIE by GEORGE FRANCIS SAVAGE-ARMSTRONG |
|