Classic and Contemporary Poetry
ALYSOUN, by ANONYMOUS First Line: "bytuene mersh and averil, / when spray beginneth to springe" Last Line: "from alle wymmen mi love is lent, / and lyht on alysoun" Variant Title(s): Alison Subject(s): Spring | ||||||||
BYTUENE Mershe ant Averil When spray biginneth to spring, The lutel foul hath hire wyl On hyre lud to synge: Ich libbe in love-longinge For semlokest of alle thynge, He may me blisse bringe, Icham in hire bandoun. An hendy hap ichabbe y-hent, Ichot from hevene it is me sent, From alle wymmen my love is lent Ant lyht on Alisoun. On heu hire her is fayr ynoh, Hire browe broune, hire eye blake; With lossum chere he on me loh; With middel smal ant wel y-make; Bote he me wolle to hire take For to buen hire owen make, Long to lyven ichulle forsake Ant feye fallen adoun. An hendy hap, etc. Nihtes when I wende and wake, For-thi myn wonges waxeth won; Levedi, al for thine sake Longinge is y-lent me on. In world his non so wyter mon That al hire bountè telle con; Hire swyre is whittore than the swon, Ant feyrest may in toune. An hendy hap, etc. Icham for wowyng al for-wake, Wery so water in wore; Lest eny reve me my make Ichabbe y-yerned yore. Betere is tholien whyle sore Then mournen evermore. Geynest under gore, Herkne to my roun— An hendy hap, etc. | Discover our Poem Explanations and Poet Analyses!Other Poems of Interest...SPRING LEMONADE by TONY HOAGLAND A SPRING SONG by LYMAN WHITNEY ALLEN SPRING'S RETURN by GEORGE LAWRENCE ANDREWS ODE TO SPRING by ANNA LETITIA BARBAULD ODE TO SPRING by ANNA LETITIA BARBAULD SPRING FLOODS by MAURICE BARING SPRING IN WINTER by CHARLOTTE FISKE BATES SPRING ON THE PRAIRIE by HERBERT BATES THE FARMER'S BOY: SPRING by ROBERT BLOOMFIELD TIS A LITTLE JOURNEY by ANONYMOUS |
|