Poetry Explorer

Classic and Contemporary Poetry

KING ORFEO, by                    
First Line: Der lived a king inta da aste
Last Line: An noo he's king ower a' his ain


Der lived a king inta da aste,
Scowan urla grun
Der lived a lady in da wast.
Whar giorten han grun oarlac.
Dis king he has a huntin gaen,
He's left his Lady Isabel alane.
"Oh I wis ye'd never gaen away,
For at your hame is dol an wae.
"For da king o Ferrie we his daert,
Has pierced your lady to da hert.'
And aifter dem da king has gaen,
But when he cam it was a grey stane.
Dan he took oot his pipes ta play,
Bit sair his hert wi dol an wae.
And first he played da notes o noy,
And dan he played da notes o joy.
An dan he played da god gabber reel,
Dat meicht ha made a sick hert hale.
"Noo come ye in inta wir ha',
An come ye in among wis a'.'
Now he's gaen in inta der ha',
And he's gaen in among dem a'.
Dan he took out his pipes to play,
Bit sair his hert wi dol an wae.
An first he played da notes o noy,
And dan he played da notes o joy.
And dan he played da god gabber reel,
Dat meicht ha made a sick hert hale.
"Noo tell to us what ye will hae:
What sall we gie you for your play?' --
"What I will hae I will you tell,
And dat's me Lady Isabel.' --
"Yees tak your lady, an yees gaeng hame.
An yees be king ower a' your ain.'
He's taen his lady, and he's gaen hame,
An noo he's king ower a' his ain.





Discover our Poem Explanations and Poet Analyses!


Other Poems of Interest...
Home: PoetryExplorer.net