Poetry Explorer

Classic and Contemporary Poetry

"TODLEN BUTT, AND TODLEN BEN", by                    
First Line: When I've a saxpence under my thumb
Last Line: When round as a neep you come todlen hame
Subject(s): Drinks & Drinking


When I've a saxpence under my thumb,
Then I'll get credit in ilka town:
But ay when I'm poor they bid me gang by;
Poverty parts good company!
Todlen hame, todlen hame,
Couldna my loove come todlen hame?

Fair fa' the goodwife, and send her good sale,
She gies us white bannocks to drink her ale,
Syne if her tippony chance to be sma',
We'll tak a good scour o't, and ca't awa'.
Todlen hame, todlen hame,
As round as a neep come todlen hame.

My kimmer and I lay down to sleep,
And twa pint stoups at our bed's feet;
And ay when we waken'd we drank them dry:
What think ye o' my wee kimmer and I?
Todlen butt, and todlen ben,
Sae round as my loove comes todlen hame.

Leeze me on liquor, my todlen dow,
Ye're ay sae good humour'd when weeting your mou;
When sober sae sour, ye'll fight with a flee,
That 'tis a blythe sight to the bairns and me,
When todlen hame, todlen hame,
When round as a neep you come todlen hame.





Discover our Poem Explanations and Poet Analyses!


Other Poems of Interest...
Home: PoetryExplorer.net