Poetry Explorer

Classic and Contemporary Poetry

THE TRYST by WILLIAM SOUTAR

Poet Analysis

First Line: O LUELY, LUELY, CAM SHE IN
Last Line: LIKE THEY HAD NEVER BEEN.
Subject(s): LOVE;
O LUELY, luely, cam she in
And luely she lay doun:
I kent her be her caller lips
And her breists sae sma' and roun'.

A' thru the nicht we spak nae word
Nor sinder'd bane frae bane:
A' thru the nicht I heard her hert
Gang soundin' wi' my ain.

It was about the waukrife hour
Whan cocks begin to craw
That she smool'd saftly thru the mirk
Afore the day wud daw.

Sae luely, luely, cam she in
Sae luely was she gaen;
And wi' her a' my simmer days
Like they had never been.



Home: PoetryExplorer.net