ALLAS! my worthi maister honorable, This landes verray tresor and richesse! Deth by thy deth hath harme irreparable Unto us doon: hir vengeable duresse Despoiled hath this land of the swetnesse Of rethorik; for unto Tullius Was never man so lyk amonges us. Also who was hier in philosophie To Aristotle in our tonge but thou? The steppes of Virgile in poesie Thou folwedist eeke, men wot wel ynow. Thou combre-worlde that the my maister slow -- Wolde I slayn were! -- Deth, was to hastyf To renne on thee and reve the thi lyf... She myghte han taried hir vengeance a while Til that sum man had egal to the be; Nay, lat be that! sche knew wel that this y1e May never man forth brynge lyk to the, And hir office needes do mot she: God bad hir so, I truste as for the beste; O maister, maister, God thi soule reste! | Discover our Poem Explanations and Poet Analyses!Other Poems of Interest...ANSWER TO A CHILD'S QUESTION by SAMUEL TAYLOR COLERIDGE FOUR-LEAF CLOVER by ELLA (RHOADS) HIGGINSON ODE TO SILENCE by EDNA ST. VINCENT MILLAY THE KITTEN AND THE FALLING LEAVES by WILLIAM WORDSWORTH THE LAST CAESAR, 1851-1870 by THOMAS BAILEY ALDRICH OF CAUTION by FRANCESCO DA BARBERINI GYPSY-HEART by KATHARINE LEE BATES THE LOVE SONNETS OF PROTEUS: 89. THE LIMIT OF HUMAN KNOWLEDGE by WILFRID SCAWEN BLUNT |