Drive, bitter blast, frae lough tae sea A little min' yer smertin'; Her ain wee shawlie's roon' my heart Her wee han's pinn'd at partin' A'm proof the-night 'gen' win' an' snaw, A'll walk frae here tae Derry-- Though Noe's flood yince mair cam' doon A'd face it bowld an' merry. "Noo, Charlie, dearie, ben' ye doon; Ye jist maun tak' my shawlie' A'll wrap it tight aroon' yer kist, For och, the night's sae squally, Puir lad, ye'll fin' it unco' cau'd By Gransha shore," says Kitty; An' then her een luik'd up in mine Wi' ah, sich luve an' pity. Wee shawlie, pressin' saft an' werm Aroon' my breast aglowin', A kiss yer fringe, A hug ye fast, A mock the squalls a-blowin'; Let thun'ers roar, let lightnin's glame, A'll face the tempest brawly, Whilst close agen' my thrabbin' heart A feel my Luv's wee shawlie! | Discover our Poem Explanations and Poet Analyses!Other Poems of Interest...PORTRAIT OF A BABY by STEPHEN VINCENT BENET CONTRA MORTEM: THE GREAT DEATH by HAYDEN CARRUTH JOHNNY SPAIN'S WHITE HEIFER by HAYDEN CARRUTH ENVOYS by GEORGIA DOUGLAS JOHNSON IRELAND; WRITTEN FOR THE ART AUTOGRAPH DURING IRISH FAMINE by SIDNEY LANIER DOMESDAY BOOK: CHARLES WARREN, THE SHERIFF by EDGAR LEE MASTERS |