My bonnie wean! my darlin' bairn! My sweet wee smilin' lammie! Sae cosy in yer beddy-ba! Crawin' to yer mammy! Blessin's on yer cheekies red, An' wee bit lauchin' ee, Sparklin', like the gowden lift, Wi' gladsome, sunny glee! Baloo, my bairnie, fa' asleep! O hushy, hushy ba'! My ain pet! my honey doo! My troutie o' the burn! Sair, sair ye keep yer mammy back Frae daein' mony a turn! O fond's the look yer deddy tak's, As guileless ye lie there, Chasin' frae his honest broo Mony a dowie care! Baloo, my bairnie, fa' asleep! O hushy, hushy ba'! Yer eenie saftly close at last, For oh! ye're tired an' weary; O fa' asleep, my bonnie lamb! O fa' asleep, my dearie! An' as yer wee thocht tak's its flicht Where joys immortal blossom, May angels sing yer lullaby. An' fauld ye in their bosom! Baloo, my bairnie, fa' asleep! O hushy, hushy ba'! | Discover our Poem Explanations and Poet Analyses!Other Poems of Interest...MY YOUTH by WILLIAM HENRY DAVIES SONG OF SLAVES IN THE DESERT by JOHN GREENLEAF WHITTIER THE LOVER SHOWETH HOW HE IS FORSAKEN by THOMAS WYATT THE IMAGE OF GOD by FRANCISCO DE ALDANA EMBLEMS OF LOVE: 18. HARD TO BE PLEASED by PHILIP AYRES HERMOTIMUS by WILLIAM EDMONSTOUNE AYTOUN |