Poetry Explorer

Classic and Contemporary Poetry

THE BRAES O' BALQUHITHER by ROBERT TANNAHILL

First Line: LET US GO LASSIE, GO
Last Line: MANG THE BRAES O' BALQUHITHER.
Subject(s): COURTSHIP;
LET us go, lassie, go,
To the braes o' Balquhither,
Where the blaeberries grow
'Mang the bonnie Highland heather;
Where the deer and the rae,
Lightly bounding together,
Sport the lang summer day
On the braes o' Balquhither.

I will twine thee a bower
By the clear siller fountain,
And I'll cover it o'er
Wi' the flowers o' the mountain;
I will range through the wilds,
And the deep glens sae dreary,
And return wi' their spoils
To the bower o' my dearie.

When the rude wintry win'
Idly raves round our dwelling,
And the roar of the linn
On the night breeze is swelling
So merrily we'll sing,
As the storm rattles o'er us,
Till the dear shielin' ring
Wi' the light lilting chorus.

Now the summer is in prime,
Wi' the flow'rs richly blooming
And the wild mountain thyme
A' the moorlands perfuming;
To our dear native scenes
Let us journey together,
Where glad innocence reigns
'Mang the braes o' Balquhither.



Home: PoetryExplorer.net