Poetry Explorer

Classic and Contemporary Poetry

WHEN FLORA HAD ADORNED THE FIRTH by ANONYMOUS

First Line: WHEN FLORA HAD OURFRET THE FIRTH
Last Line: "THUS EVER OF GREECE DID FAIR HELENE, / WHOM I LUV I DAR NOCHT ASSAY"
Subject(s): HELEN OF TROY;MYTHOLOGY - CLASSICAL;SPRING;
WHEN Flora had o'erfret the firth
In May of every moneth queen;
When merle and mavis singis with mirth
Sweet melling in the shawis sheen;
When all luvaris rejoicit bene
And most desirous of their prey,
I heard a lusty luvar mene
-- 'I luve, but I dare nocht assay!'

'Strong are the pains I daily prove,
But yet with patience I sustene,
I am so fetterit with the luve
Only of my lady sheen,
Quhilk for her beauty micht be queen,
Nature so craftily alway
Has done depaint that sweet serene:
-- Whom I luve I dare nocht assay.

'She is so bricht of hyd and hue,
I luve but her alone, I ween;
Is none her luve that may eschew,
That blinkis of that dulce amene;
So comely cleir are her twa een
That she mae luvaris dois affray
Than ever of Greece did fair Helene:
-- Quhom I luve I dare nocht assay!'



Home: PoetryExplorer.net