Poetry Explorer- Classic Contemporary Poetry, FAIRLIE GLEN, by ROBERT TENNANT


Poetry Explorer

Classic and Contemporary Poetry

FAIRLIE GLEN, by                    
First Line: O, there's a glen, a bonnie glen, the bairnies lo'e it dearly
Last Line: But spring will come, and then they'll sing in yon wee glen fairlie.
Subject(s): Fields; Nature; Pastures; Meadows; Leas


O, THERE'S a glen, a bonnie glen, the bairnies lo'e it dearly,
The wee wild flow'rs they gather there when sunny skies shine clearly,
When summer birds come owre the sea sweet nature decks it rarely;
A fairer spot there couldna be than you wee glen at Fairlie.

In flow'ry June when days were lang, and birds were singing sweetly,
When woods and fields in summer dress were a' array'd completely,
I left the city far behind, where folk are worried sairly,
Some blissfu' hours o' joy to spend in yon sweet glen at Fairlie.

I heard the mavis sweetly sing, the blackbird piping proudly,
And through the list'ning leafy woods the cuckoo calling loudly.
I saw the lark, that angel bird, that greets the morning early,
When wild flow'rs bloom beside the stream, in yon wee glen at Fairlie.

Fair Summer's gane, the bonnie queen, who wore her robes sae trimly;
And Winter's come, the surly loon, who grips puir folk sae grimly --
The wee birds in the leafless woods will feast, I fear, but sparely;
But Spring will come, and then they'll sing in yon wee glen Fairlie.





Discover our Poem Explanations and Poet Analyses!


Other Poems of Interest...
Home: PoetryExplorer.net