Classic and Contemporary Poetry
THE WEE YELLOW PRIMROSE, by ROBERT TENNANT First Line: The wee yellow primrose, sweet child o' the spring Last Line: And lessons worth learning frae them I shall learn. Subject(s): Flowers; Primroses | ||||||||
THE wee yellow primrose, sweet child o' the spring, Looks up to the sky when the lark's on the wing; And keeks frae its grassy bow'r, cosy and green, To nod to the daisy, its bonnie wee freen'. It grows on the bank and it grows on the brae, And blooms by the streamlet that sings by the way; It shines on the graves whaur oor lov'd bairnies lie, And mithers come there whiles to weep an' to sigh. It shines like a star on the woodlands sae green, And cheers lonely spots, blooming often unseen; But saft breezes kiss it and over it play, And wee linties sing till't the lang summer day. I've seen the blythe bee gang careerin' alang, Aye humming fu' cheerie its sweet summer sang, First licht on the Primrose's sweet dewy lip, Then creep to its bosom the honey to sip. I've seen the bright butterfly, bonnie wee thing, When a' the green woodlands wi' music did ring, Flee fluttering by in its white simmer vest, Awa' to a feast on the primrose's breast. The fairy dews fa' on't on calm summer eves, And dream a' the nicht on its pure silken leaves; Such beauty its Maker the primrose has given -- O, surely an angel cam' doon wi't frae heaven. Some strive through ambition for wealth and for pow'r; I seek not for these, but give me a wild flow'r, A sweet warbling-bird, or a bonnie bit bairn, And lessons worth learning frae them I shall learn. | Discover our Poem Explanations and Poet Analyses!Other Poems of Interest...THE EVENING PRIMROSE by JOHN CLARE THE PRIMROSE by ROBERT HERRICK TO PRIMROSES FILLED WITH MORNING DEW by ROBERT HERRICK THE EARLY PRIMROSE by HENRY KIRKE WHITE LAURENCE BLOOMFIELD IN IRELAND: 6. SPRING by WILLIAM ALLINGHAM TO A PRIMROSE by EDNA S. CODDINGTON TO A TEXAS PRIMROSE by OLIVE TILFORD DARGAN FAIRLIE GLEN by ROBERT TENNANT |
|