ANITHER bairn cam' hame— Hame to mither and me! It was yestreen in the gloamin'— When scarce was light to see The wee bit face o' the darlin'— That its greetin' cry was heard, And crowdin' close we made a place To haud anither bird! Sax little bonnie mouths, Ah me! tak' muckle to fill, But to grudge the bit t' the seventh For mither and me were ill! Oh! nestle up closer, dearie, Lie saft on the snawy breast, Where fast life's fountain floweth, When thy twa warm lips are prest. The rich man counteth his cares By the shinin' gowd in 's hand, By 's ships that sail on the sea, By 's harvests that whiten the land. The puir man counteth his blessings By the ring o' voices sweet, By the hope that glints in bairnies' een, By the sound o' bairnies' feet. An' it 's welcome hame, my darlin'! Hame to mither an' me! An' it 's never may ye find less o' love Than the love ye brought wi' ye! Cauld are the blasts o' the wild wind, An' rough the warld may be, But warm 's the hame o' the wee one In the hearts o' mither an' me! | Discover our Poem Explanations and Poet Analyses!Other Poems of Interest...SONNET: 10 by EDNA ST. VINCENT MILLAY UNDERWOODS: BOOK 1: 21. REQUIEM by ROBERT LOUIS STEVENSON THE CITY CHILD by ALFRED TENNYSON PEACE GUARANTEED by MARY J. ARMSTRONG PEARLS OF THE FAITH: 48. AL-WADOOD by EDWIN ARNOLD THE SECOND ANTEMASQUE by ELIZABETH BRACKLEY |