Poetry Explorer

Classic and Contemporary Poetry

SONG by WILLIAM SOUTAR

Poet Analysis

First Line: WHAUR YON BROKEN BRIG HINGS OWRE
Last Line: GANG DOUN WI' A SANG, GANG DOUN.
WHAUR yon broken brig hings owre;
Whaur yon water maks nae soun';
Babylon blaws by in stour:
Gang doun wi' a sang, gang doun.

Deep, owre deep, for onie drouth:
Wan eneuch an ye wud droun:
Saut, or seelfu', for the mouth;
Gang doun wi' a sang, gang doun.

Babylon blaws by in stour
Whaur yon water maks nae soun':
Darkness is your only door;
Gang doun wi' a sang, gang doun.



Home: PoetryExplorer.net