Poetry Explorer- Classic Contemporary Poetry, WHAT AILS THIS HEART O'MINE?, by SUSANNA BLAMIRE



Poetry Explorer

Classic and Contemporary Poetry

Rhyming Dictionary Search
WHAT AILS THIS HEART O'MINE?, by             Poet's Biography
First Line: What ails this heart of mine?
Last Line: What can part thee and me!
Alternate Author Name(s): Muse Of Cumberland; Sukey, Miss
Subject(s): Absence; Separation; Isolation


What ails this heart o' mine?
What ails this watery ee?
What gars me a' turn pale as death
When I take leave o' thee?
When thou art far awa',
Thou'lt dearer grow to me;
But change o' place and change o' folk
May gar thy fancy jee.

When I gae out at e'en,
Or walk at morning air,
Ilk rustling bush will seem to say
I used to meet thee there:
Then I'll sit down and cry,
And live aneath the tree,
And when a leaf fa's i' my lap,
I'll ca't a word frae thee.

I'll hie me to the bower
That thou wi' roses tied,
And where wi' mony a blushing bud
I strove myself to hide.
I'll doat on ilka spot
Where I ha'e been wi' thee;
And ca' to mind some kindly word
By ilka burn and tree.

Wi' sic thoughts in my mind,
Time through the world may gae,
And find my heart in twenty years
The same as 'tis to-day.
'Tis thoughts that bind the soul,
And keep friends i' the ee,
And gin I think I see thee aye,
What can part thee and me!




Other Poems of Interest...



Home: PoetryExplorer.net