Classic and Contemporary Poetry
ROBIN, by ROBERT BURNS Poet Analysis Poet's Biography First Line: There was a lad was born in kyle Last Line: Rantin', rovin', robin! Variant Title(s): Rantin, Rovin Robin;there Was A Lad Subject(s): Future | ||||||||
There was a lad was born in Kyle, But whatna day o' whatna style, I doubt it's hardly worth the while To be sae nice wi' Robin. Chor. - Robin was a rovin' boy, Rantin', rovin', rantin', rovin', Robin was a rovin' boy, Rantin', rovin', Robin! Our monarch's hindmost year but ane Was five-and-twenty days begun 'Twas then a blast o' Janwar' win' Blew hansel in on Robin. Robin was, &c. The gossip keekit in his loof, Quo' scho, "Wha lives will see the proof, This waly boy will be nae coof: I think we'll ca' him Robin." Robin was, &c. "He'll hae misfortunes great an' sma', But aye a heart aboon them a', He'll be a credit till us a' -- We'll a' be proud o' Robin." Robin was, &c. "But sure as three times three mak nine, I see by ilka score and line, This chap will dearly like our kin', So leeze me on thee! Robin." Robin was, &c. "Guid faith," quo', scho, "I doubt you gar The bonnie lasses lie aspar; But twenty fauts ye may hae waur So blessins on thee! Robin." Robin was a rovin' boy, Rantin', rovin', rantin', rovin', Robin was a rovin' boy, Rantin', rovin', Robin! | Discover our Poem Explanations and Poet Analyses!Other Poems of Interest...WE ARE THOSE PEOPLE by ROBINSON JEFFERS GRANITE AND CYPRESS by ROBINSON JEFFERS WATCH THE LIGHTS FADE by ROBINSON JEFFERS A PRAYER FOR THE FUTURE by GEORGE BARLOW (1847-1913) TWO SONNETS, IN 1972: 1. FEBRUARY by DAVID LEHMAN FOR FUTURES by JOSEPHINE MILES WRITTEN DURING DEPRESSION: HOW TO BE HAPPY by MARVIN BELL A MAN CAME TUESDAY by JOHN CIARDI A BARD'S EPITAPH by ROBERT BURNS A POET'S WELCOME TO HIS LOVE-BEGOTTEN DAUGHTER by ROBERT BURNS |
|