|
Classic and Contemporary Poetry
EPISTLES BETWEEN AND ANDREW GRAY AND ROBERT FERGUSSON: TO ANDREW GRAY, by ROBERT FERGUSSON Poet Analysis Poet's Biography First Line: Nae langer bygane, than the streen Last Line: And crack and sing. Alternate Author Name(s): Ferguson, Robert Subject(s): Butler, Samuel (1612-1680); Cabbage; Reason; Intellect; Rationalism; Brain; Mind; Intellectuals | |||
Nae langer bygane, than the streen, Your couthy letter met my een; I lang to wag a cutty speen On Amond water; And claw the lips o' truncher treen And tak a clatter. "Frae Whistleha your muse doth cry; Whare'er ye win I carena by; Ye're no the laird o' Whistledry, As lang's ye can Wi routh o' reikin kail supply The inward man. You'll trou me, Billy, kail's fu geed To synd an' peerify the bleid; 'Twill rin like ony scarlet reid, While patt ye put on, Wi wethers that round Amond feed, The primest mutton. Ane wad maist think ye'd been at Scoon, Whan kings wure there the Scottish croun; A soupler or mair fleetching loun Ne'er hap'd on hurdies, Whan courtiers' tongues war there in tune, For oily wordies. Can you nae ither theme divine To blaw upon, but my ingyne? At nature keek, she's unco fine Redd up, and braw; And can gie scouth to muses nine At Whistle-ha. Her road awhile is rough an' round, An' few poetic gowans found; The stey braes o' the muses' ground We scarce can crawl up; But on the tap we're light as wind To scour an' gallop. Whan first ye seyd to mak a riddle Ye'd hae an unco fike an' piddle, An' ablins brak aff i' the middle, Like Samy Butler: 'Tis e'en sae wi Apollo's fiddle, Before we wit lear. Then flegna at this weary practice, That's taen to get this wyly nack nice; The eident muse begins to crack wise, An' ne'er cry dule: It's idleseat, that banefu black vice, That gars her cool. Andrew, at Whistleha, your een May lippen for me very sien: For barley scones my grinders grien. They're special eating; Wi bizzin cogs that ream abien, Our thrapple weeting. Till than may you had hale and fier, That we to maltman's browst may steer, And ilka care and ilka fear To dogdrive ding; While cheek for chow we laugh and jeer, And crack and sing. | Discover our Poem Explanations and Poet Analyses!Other Poems of Interest...AGAINST EXCESS OF SEA OR SUN OR REASON by WILLIAM MEREDITH PROVISION FOR THE HIGHER OZONE BODY by WILL ALEXANDER THE BOOK OF THE DEAD MAN (#65) by MARVIN BELL THE MACHINATIONS OF THE MIND by LAURE-ANNE BOSSELAAR WHY FOOL AROUND? by STEPHEN DOBYNS POPHAM OF THE NEW SONG: 1 by NORMAN DUBIE BRAID CLAITH by ROBERT FERGUSSON THE DAFT DAYS by ROBERT FERGUSSON A DRINK ECLOGUE: LANDLADY, BRANDY AND WHISKY by ROBERT FERGUSSON |
|