Poetry Explorer- Classic Contemporary Poetry, O'ER THE MOOR AMANG THE HEATHER, by JEAN GLOVER


Poetry Explorer

Classic and Contemporary Poetry

O'ER THE MOOR AMANG THE HEATHER, by                    
First Line: Coming through the craigs o' kyle
Last Line: The bonnie lass amang the heather!
Subject(s): Love


COMING through the Craigs o' Kyle,
Amang the bonnie blooming heather,
There I met a bonnie lassie,
Keeping a' her ewes thegither.

O'er the muir amang the heather,
O'er the muir amang the heather,
There I met a bonnie lassie,
Keeping a' her ewes thegither.

Says I, 'My dear, where is thy hame?
In muir or dale, pray tell me whether?'
Says she, 'I tent the fleecy flocks
That feed amang the blooming heather.'

We laid us down upon a bank,
Sae warm and sunny was the weather;
She left her flocks at large to rove
Amang the bonnie blooming heather.

While thus we lay she sung a sang,
Till echo rang a mile and farther;
And aye the burden o' the sang
Was 'O'er the muir amang the heather!'

She charmed my heart, and aye sinsyne
I couldna think on ony ither:
By sea and sky she shall be mine,
The bonnie lass amang the heather!

O'er the muir amang the heather,
Down amang the blooming heather: --
By sea and sky she shall be mine,
The bonnie lass amang the heather!





Discover our Poem Explanations and Poet Analyses!


Other Poems of Interest...
Home: PoetryExplorer.net