Classic and Contemporary Poetry
RHYMES FOR THE TIMES: 3. 1865, by JANET HAMILTON Poet's Biography First Line: This while I've been ettlin' to string a wheen rhymes Last Line: That poison the body and ruin the soul! Alternate Author Name(s): Hamilton, Janet Thompson Subject(s): Cholera; Rhyme | ||||||||
THIS while I've been ettlin' to string a wheen rhymes, Being unco sair fash'd at the signs o' the times The mony dark omens aroun' an' abune, The upshot o' whilk will be seen on us sune. The cholera's wan'ering roun' us this while, An' I watna hoo sune it may come to our isle, Whan, on Sabbath, instead o' a ride on the rail, We may follow the deid-cart wi' greetin' an' wail. The pest 'mang oor bestial is spreading like fire, The sta's are a' toom noo in mony a byre, The hirsels are dwinin' on hillside an' lea, An' the grief an' the losses are waesome to dree. We've lost our gude Premier: I houp he's at rest In the Lan' o' the Leal, wi' the gude an' the blest; God bless oor wee Johnnie! he'll dae what he can For our gudea true Briton, an' leal heartit-man. We're a' to be chawed up by big Cousin Sam, Wha brags he has brocht the dark children o' Ham Out the hoose o' their bondage, an' set them a' free; May they use weel the blessin'!belyve we s'all see. A plague's rife amang us that bears aye the bell: It's the plague o' intemperancewhat mortal may tell How fearfu' the curse, an' the plague-sairs how foul, That poison the body and ruin the soul! | Discover our Poem Explanations and Poet Analyses!Other Poems of Interest...CATCH A LITTLE RHYME by EVE MERRIAM ESSAY: THE INFINITE ASSONANCES WITHIN by ELENI SIKELIANOS SWEATER WEATHER: A LOVE SONG TO LANGUAGE by SHARON BRYAN A FIT OF RHYME AGAINST RHYME [OR, RIME] by BEN JONSON A RHYME by ALGERNON CHARLES SWINBURNE ERRING IN COMPANY by FRANKLIN PIERCE ADAMS ON THE INDESTRUCTIBILITY OF READING MATTER by FRANKLIN PIERCE ADAMS THE BARD'S EXCUSE by FRANKLIN PIERCE ADAMS A BALLAD FOUNDED ON A REAL INCIDENT WHICH OCCURED IN HIGH LIFE by JANET HAMILTON |
|