Poetry Explorer- Classic Contemporary Poetry, THE BONNIE WEE WELL, by HUGH MACDONALD


Poetry Explorer

Classic and Contemporary Poetry

THE BONNIE WEE WELL, by                    
First Line: The bonnie wee well on the breist o' the brae
Last Line: And quaffs thy cool waters in noon's gowden sheen.
Subject(s): Wells


THE bonnie wee well on the breist o' the brae,
That skinkles sae cauld in the sweet smile o' day,
And croons a laich sang a' to pleasure itsel'
As it jinks 'neath the brecken and genty blue-bell.

The bonnie wee well on the breist o' the brae,
Where the hare steals to drink in the gloamin' sae grey;
Where the wild moorlan' birds dip their nebs and tak' wing,
And the lark weets his whistle ere mounting to sing.

Thou bonnie wee well on the breist o' the brae,
My mem'ry aft haunts thee by nicht and by day;
For the friends I ha'e lov'd in the years that are gane
Ha'e knelt by thy brim, and thy gush ha'e parta'en.

Thou bonnie wee well on the breist o' the brae,
While I stoop to thy bosom, my thirst to allay,
I will drink to the lov'd ones who come back nae mair,
And my tears will but hallow thy bosom sae fair.

Thou bonnie wee well on the breist o' the brae,
My blessing rests with thee, wherever I stray;
In joy and in sorrow, in sunshine and gloom,
I will dream of thy beauty, thy freshness, and bloom.

In the depths of the city, 'midst turmoil and noise,
I'll oft hear with rapture thy lone trickling voice,
While fancy takes wing to thy rich fringe o' green,
And quaffs thy cool waters in noon's gowden sheen.





Discover our Poem Explanations and Poet Analyses!


Other Poems of Interest...
Home: PoetryExplorer.net