Classic and Contemporary Poetry
THE AULD HOUSE, by CAROLINA OLIPHANT NAIRNE Poem Explanation Poet's Biography First Line: Oh, the auld house, the auld house! Last Line: Now hid 'mang weeds and grass. Alternate Author Name(s): Lady Nairne; Oliphant, Carolina; Nairne, Baroness Subject(s): Home; Mothers | ||||||||
OH, the auld house, the auld house, -- What though the rooms were wee? Oh! kind hearts were dwelling there, And bairnies fu' o' glee; The wild rose and the jessamine Still hang upon the wa': How mony cherished memories Do they, sweet flowers, reca'! Oh, the auld laird, the auld laird, Sae canty, kind, and crouse, -- How mony did he welcome to His ain wee dear auld house; And the leddy too, sae genty, There sheltered Scotland's heir, And clipt a lock wi' her ain hand, Frae his lang yellow hair. The mavis still doth sweetly sing, The bluebells sweetly blaw, The bonny Earn's clear winding still, But the auld house is awa'. The auld house, the auld house, -- Deserted though ye be, There ne'er can be a new house Will seem sae fair to me. Still flourishing the auld pear-tree The bairnies liked to see; And oh, how often did they speir When ripe they a' wad be! The voices sweet, the wee bit feet Aye rinnin' here and there, The merry shout -- oh! whiles we greet To think we'll hear nae mair. For they are a' wide scattered now: Some to the Indies gane, And ane, alas! to her lang hame: Not here we'll meet again. The kirkyaird, the kirkyaird! Wi flowers o' every hue, Sheltered by the holly's shade An' the dark sombre yew. The setting sun, the setting sun! How glorious it gaed doon; The cloudy splendor raised our hearts To cloudless skies aboon. The auld dial, the auld dial! It tauld how time did pass: The wintry winds hae dung it doon, Now hid 'mang weeds and grass. | Discover our Poem Explanations and Poet Analyses!Other Poems of Interest...MY MOTHER'S HANDS by ANDREW HUDGINS CONTINENT'S END by ROBINSON JEFFERS IN THE 25TH YEAR OF MY MOTHER'S DEATH by JUDY JORDAN THE PAIDLIN' WEAN by ALEXANDER ANDERSON BLASTING FROM HEAVEN by PHILIP LEVINE CALLER HERRIN' by CAROLINA OLIPHANT NAIRNE |
|