Classic and Contemporary Poetry
TO MESDAMES ZASSETSKY AND GARSCHINE, by ROBERT LOUIS STEVENSON Poet Analysis Poet's Biography First Line: The wind may blaw the lee-lang way Last Line: This happy lee. Alternate Author Name(s): Stevenson, Robert Lewis Balfour Subject(s): Rain; Sea; Wind; Ocean | ||||||||
THE wind may blaw the lee-lang way And aye the lift be mirk an' grey, And deep the moss an' steigh the brae Where a' maun gang There's still an hoor in ilka day For luve and sang. And canty hearts are strangely steeled, By some dikeside they'll find a bield, Some couthy neuk by muir or field They're sure to hit, Where, frae the blatherin' wind concealed, They'll rest a bit. An' weel for them if kindly fate Send ower the hills to them a mate; They'll crack a while o' kirk an' State, O' yowes an' rain: An' when it's time to tak' the gate, Tak' ilk his ain. -- Sic neuk beside the southern sea I soucht -- sic place o' quiet lee Frae a' the winds o' life. To me, Fate, rarely fair, Had set a freendly company To meet me there. Kindly by them they gart me sit, An' blythe was I to bide a bit. Licht as o' some hame fireside lit My life for me. -- Ower early maun I rise an' quit This happy lee. | Discover our Poem Explanations and Poet Analyses!Other Poems of Interest...HALL OF OCEAN LIFE by JOHN HOLLANDER JULY FOURTH BY THE OCEAN by ROBINSON JEFFERS BOATS IN A FOG by ROBINSON JEFFERS CONTINENT'S END by ROBINSON JEFFERS THE FIGUREHEAD by LEONIE ADAMS A GOOD PLAY by ROBERT LOUIS STEVENSON |
|