Poetry Explorer- Classic Contemporary Poetry, LASS, GIN YE LO'E ME, by JAMES TYTLER


Poetry Explorer

Classic and Contemporary Poetry

LASS, GIN YE LO'E ME, by                    
First Line: I ha'e laid a herring in saut
Last Line: And I winna come ony mair to woo.
Subject(s): Courtship


IHA'E laid a herring in saut,
Lass, gin ye lo'e me, tell me now!
I ha'e brewed a forpit o' maut,
And I canna come ilka day to woo.
I ha'e a calf will soon be a cow;
Lass, gin ye lo'e me, tell me now!
I ha'e a pig will soon be a sow,
And I canna come ilka day to woo.

I've a house on yonder muir,
Lass, gin ye lo'e me, tell me now!
Three sparrows may dance upon the floor,
And I canna come ilka day to woo.
I ha'e a but and I ha'e a ben;
Lass, gin ye lo'e me, tell me now!
I ha'e three chickens and a fat hen,
And I canna come ilka day to woo.

I've a hen wi' a happity leg,
Lass, gin ye lo'e me, tell me now!
Which ilka day lays me an egg,
And I canna come ilka day to woo
I ha'e a kebbuck upon my shelf,
Lass gin ye lo'e me tak' me now!
I downa eat it all myself;
And I winna come ony mair to woo.





Discover our Poem Explanations and Poet Analyses!


Other Poems of Interest...
Home: PoetryExplorer.net