Poetry Explorer- Classic Contemporary Poetry, THE HERON BALLADS: 4. NEW SONG OF A SEDITIOUS PAMPHLET, by HUMBERT WOLFE



Poetry Explorer

Classic and Contemporary Poetry

THE HERON BALLADS: 4. NEW SONG OF A SEDITIOUS PAMPHLET, by                     Poet's Biography
First Line: Wha will buy my troggin, fine election ware
Last Line: Buy braw troggin, &c.
Subject(s): Elections; Voting; Voters; Suffrage


Wha will buy my troggin, fine election ware,
Broken trade o' Broughton, a' in high repair?

Chorus -- Buy braw troggin frae the banks o' Dee;
Wha wants troggin let him come to me.

There's a noble Earl's fame and high renown,
For an auld sang -- it's thought the gudes were stown --
Buy braw troggin, &c.

Here's the worth o' Broughton in a needle's e'e;
Here's a reputation tint by Balmaghie.
Buy braw troggin, &c.

Here's its stuff and lining, Cardoness' head,
Fine for a soger, a' the wale o' lead.
Buy braw troggin, &c.

Here's a little wadset, Buittle's scrap o' truth,
Pawn'd in a gin-shop, quenching holy drouth.
Buy braw troggin, &c.

Here's an honest conscience might a prince adorn;
Frae the downs o' Tinwald, so was never worn.
Buy braw troggin, &c.

Here's armorial bearings frae the manse o' Urr;
The crest, a sour crab-apple, rotten at the core.
Buy braw troggin, &c.

Here's the worth and wisdom Collieston can boast;
By a thievish midge they had been nearly lost.
Buy braw troggin, &c.

Here is Satan's picture, like a bizzard gled,
Pouncing poor Redcastle, sprawlin' like a taed.
Buy braw troggin, &c.

Here's the font where Douglas stane and mortar names;
Lately used at Caily christening Murray's crimes.
Buy braw troggin, &c.

Here is Murray's fragments o' the ten commands;
Gifted by black Jock to get them aff his hands.
Buy braw troggin, &c.

Saw ye e'er sic troggin? if to buy ye're slack,
Hornie's turnin chapman -- he'll buy a' the pack.
Buy braw troggin, &c.





Discover our Poem Explanations and Poet Analyses!


Other Poems of Interest...



Home: PoetryExplorer.net