Poetry Explorer- Classic Contemporary Poetry, THE HAPPY MOTHER, by ALEXANDER LAING


Poetry Explorer

Classic and Contemporary Poetry

THE HAPPY MOTHER, by                     Poet's Biography
First Line: An' o! Nay I never live single again
Last Line: Ye'll wish ye may never live single again.
Alternate Author Name(s): Laing Of Brechin, Alexander
Subject(s): Home; Mothers


AN' O! may I never live single again,
I wish I may never live single again;
I hae a gudeman, an' a hame o' my ain,
An' O! may I never live single again.
I've twa bonnie bairnies, the fairest of a',
They cheer up my heart when their daddie's awa';
I've one at my foot, and I've one at my knee;
An' fondly they look, an' say "Mammie" to me.
At gloamin' their daddie comes in frae the plough,
The blink in his e'e, an' the smile on his brow,
Says, "How are ye, lassie, O, how are ye a',
An' how's the wee bodies sin' I gaed awa'?"
He sings i' the e'ening, fu' cheery an' gay,
He tells o' the toil and the news o' the day;
The twa bonnie lammies he tak's on his knee,
An' blinks o'er the ingle fu' couthie to me.
O happy's the father that's happy at hame,
An' blythe is the mither that's blythe o' the name,
The cares o' the warld they fear na' to dree --
The warld is naething to Johnny an' me.
Though crosses will mingle wi' mitherly cares,
Awa', bonnie lassies -- awa' wi' your fears;
Gin ye get a laddie that's loving and fain,
Ye'll wish ye may never live single again.




Discover our Poem Explanations and Poet Analyses!


Other Poems of Interest...
Home: PoetryExplorer.net