Poetry Explorer- Classic Contemporary Poetry, SCHULE LADDIE'S LAMENT ON THE LATENESS O' THE SEASON, by JAMES LOGIE ROBERTSON


Poetry Explorer

Classic and Contemporary Poetry

SCHULE LADDIE'S LAMENT ON THE LATENESS O' THE SEASON, by             Poem Explanation        
First Line: The east wind's whistling cauld ab' shrill
Last Line: The farmers may be bad, nae doot - %it pits hiz laddies sair aboot
Alternate Author Name(s): Haliburton, Hugh


The east wind's whistlin' cauld an' shrill,
The snaw lies on the Lomont Hill;
It's simmer i' the almanack,
But when 'ill simmer days be back?
There's no' a bud on tree or buss;
The craws are at a sair nonplus,-
Hoo can they big? hoo can they pair?
Wi' them sae cauld, and wuds sae bare.
My faither canna saw his seed,-
The hauf o' th' laund's to ploo, indeed;
The lambs are deein', an' the yowes
Are trauchled wanderin' owre the knowes.
There's no' a swallow back as yet,
The robin doesna seek to flit;
There's no' a buckie, nor a bud,
On ony brae, in ony wud.
It's no' a time for barefit feet
When it may be on-ding o' sleet.
The season's broken a' oor rules,-
It's no' the time o' year o' bools;
It's no' the time o' year o' peeries.
I think the year's gane tapsalteeries!
The farmers may be bad, nae doot-
It pits hiz laddies sair aboot.




Discover our Poem Explanations and Poet Analyses!


Other Poems of Interest...
Home: PoetryExplorer.net