Poetry Explorer- Classic Contemporary Poetry, THE CANTERBURY TALES: THE MAN OF LAW'S TALE - THE EPILOGUE, by GEOFFREY CHAUCER


Poetry Explorer

Classic and Contemporary Poetry

THE CANTERBURY TALES: THE MAN OF LAW'S TALE - THE EPILOGUE, by                 Poet Analysis     Poet's Biography
First Line: Oue hooste upon his stiropes stood anon
Last Line: "ther is but litel latyn in my mawe!""]"


[Owre Hoost upon his stiropes stood anon,
And seyde, "Goode men, herkeneth everych on!
This was a thrifty tale for the nones!
Sir Parisshe Prest," quod he, "for Goddes bones,
Telle us a tale, as was thi forward yore.
I se wel that ye lerned men in lore
Can moche good, by Goddes dignitee!"

The Parson hem answerde, "Benedicite!
What eyleth the man, so synfully to swere?"
Oure Host answerde, "O Jankin, be ye there?
I smelle a Lollere in the wynd," quod he.
"Now! goode men," quod oure Hoste, "herkeneth me;
Abydeth, for Goddes digne passioun,
For we schal han a predicacioun;
This Lollere heer wil prechen us somwhat."
"Nay, by my fader soule, that schal he nat!"
Seyde the Shipman; "heer schal he nat preche;
He schal no gospel glosen here ne teche.
We leven alle in the grete God," quod he;
"He wolde sowen som difficulte,
Or springen cokkel in our clene corn.
And therfore, Hoost, I warne thee biforn,
My joly body schal a tale telle,
And I schal clynken you so mery a belle,
That I schal waken al this compaignie.
But it schal not ben of philosophie,
Ne phislyas, ne termes queinte of lawe.
Ther is but litel Latyn in my mawe!"]





Discover our Poem Explanations and Poet Analyses!


Other Poems of Interest...
Home: PoetryExplorer.net