Classic and Contemporary Poetry
THE LEGEND OF GOOD WOMEN: 4. INTRODUCTION, by GEOFFREY CHAUCER Poet Analysis Poet's Biography First Line: Thou rote of false lovers, duc jasoun Last Line: By isiphile and medea the quene. | ||||||||
Thou rote [source] of false lovers, duk Jason! Thou sly devourer and confusioun Of gentil-wommen, tender creatures, Thou madest thy reclaiming and thy lures To ladies of thy statly apparaunce, And of thy wordes, farced with plesaunce, And of thy feyned trouthe and thy manere, With thyn obeissaunce and thy humble chere, And with thy counterfeted peyne and wo. Ther other falsen oon, thou falsest two! O! ofte swore thou that thou woldest dye For love, whan thou ne feltest maladye Save foul delyt, which that thou callest love! If that I live, thy name shal be shove In English, that thy sleighte shal be knowe! Have at thee, Jason! now thyn horn is blowe! But certes, hit is bothe routhe and wo That love with false loveres werketh so; For they shul have wel better love and chere That he that hath aboght his love ful dere, Or had in armes many a blody box. For ever as tendre a capoun et the fox, Thogh he be fals and hath the foul betrayed, As shal the good-man that ther-for hath payed. Al have he to the capoun skille and right, The false fox wol have his part at night. On Jason this ensample is wel y-sene By Isiphile and Medea the quene. | Discover our Poem Explanations and Poet Analyses!Other Poems of Interest...LACK OF STEADFASTNESS; BALLAD by GEOFFREY CHAUCER MERCILES BEAUTE; A TRIPLE ROUNDEL: 1. CAPTIVITY by GEOFFREY CHAUCER MERCILES BEAUTE; A TRIPLE ROUNDEL: 2. REJECTION by GEOFFREY CHAUCER MERCILES BEAUTE; A TRIPLE ROUNDEL: 3. ESCAPE by GEOFFREY CHAUCER THE CANTERBURY TALES: THE GENERAL PROLOGUE by GEOFFREY CHAUCER THE CHARACTER OF A GOOD PARSON by GEOFFREY CHAUCER THE COCK AND THE FOX, OR THE TALE OF THE NUN'S PRIEST by GEOFFREY CHAUCER THE COMPLAINT OF CHAUCER TO HIS EMPTY PURSE by GEOFFREY CHAUCER TO ROSAMONDE: A BALADE by GEOFFREY CHAUCER A BALADE OF COMPLAINT by GEOFFREY CHAUCER |
|